Kombëtarja shqiptare është nisur drejt Varshavës, aty ku nesër përballet me Poloninë për ndeshjen gjysmëfinale të play-offit për Kupën e Botës.

Kuqezinjtë janë të përgatitur maksimalisht për këtë ndeshje, dhe synojnë rezultatin historik, shkruan Arbresh.info.

Të gjithë lojtarët e ftuar nga Sylvinho janë të gatshëm për këtë sfidë.

Vlen të theksohet se në këtë grumbullim mungojnë dyshja e sulmit Rey Manaj dhe Mirlind Daku të cilët janë lënduar dhe kanë humbur këtë sfidë.

Manaj ishte vendimtar në kualifikimet e Kupës së Botës, ku realizoi tre prej shtatë golave të Shqipërisë, dhe padyshim mungesa e tij do të jetë e madhe.

Ndeshja mes Polonisë dhe Shqipërisë luhet në stadiumin “PGE Narodowy” me fillim nga ora 20:45.

Fituesi i këtij çifti takohet në finale të play-offit me kombëtaren e cila fiton në përballjen tjetër mes Ukrainës dhe Suedisë./Arbresh.info